تصوير درد

English title: THE PORTRAIT OF ANGUISH

Translations English اردو

نہيں منت کش تاب شنيدن داستاں ميريخموشي گفتگو ہے بے زباني ہے زباں ميري

يہ دستور زباں بندي ہے کيسا تيري محفل ميںيہاں تو بات کرنے کو ترستي ہے زباں ميري

اٹھائے کچھ ورق لالے نے ، کچھ نرگس نے ، کچھ گل نےچمن ميں ہر طرف بکھري ہوئي ہے داستاں ميري

اڑالي قمريوں نے ، طوطيوں نے ، عندلبوں نےچمن والوں نے مل کر لوٹ لي طرز فغاں ميري

ٹپک اے شمع آنسو بن کے پروانے کي آنکھوں سےسراپا درد ہوں حسرت بھري ہے داستاں ميري

الہي! پھر مزا کيا ہے يہاں دنيا ميں رہنے کا!حيات جاوداں ميري ، نہ مرگ ناگہاں ميري

مرا رونا نہيں ، رونا ہے يہ سارے گلستاں کاوہ گل ہوں ميں ، خزاں ہر گل کي ہے گويا خزاں ميري

دريں حسرت سرا عمريست افسون جرس دارم ''''ز فيض دل تپيدنہا خروش بے نفس دارم

رياض دہر ميں نا آشنائے بزم عشرت ہوںخوشي روتي ہے جس کو ، ميں وہ محروم مسرت ہوں

مري بگڑي ہوئي تقدير کو روتي ہے گويائيميں حرف زير لب ، شرمندہء گوش سماعت ہوں

پريشاں ہوں ميں مشت خاک ، ليکن کچھ نہيں کھلتاسکندر ہوں کہ آئينہ ہوں يا گرد کدورت ہوں

يہ سب کچھ ہے مگر ہستي مري مقصد ہے قدرت کاسراپا نور ہو جس کي حقيقت ، ميں وہ ظلمت ہوں

خزينہ ہوں ، چھپايا مجھ کو مشت خاک صحرا نے!کسي کيا خبر ہے ميں کہاں ہوں کس کي دولت ہوں

نظر ميري نہيں ممنون سير عرصہء ہستيميں وہ چھوٹي سي دنيا ہوں کہ آپ اپني ولايت ہوں

نہ صہاہوں نہ ساقي ہوں نہ مستي ہوں نہ پيمانہميں اس ميخا نہء ہستي ميں ہر شے کي حقيقت ہوں

مجھے راز دو عالم دل کا آئينہ دکھاتا ہےوہي کہتا ہوں جو کچھ سامنے آنکھوں کے آتا ہے

عطا ايسا بياں مجھ کو ہوا رنگيں بيانوں ميںکہ بام عرش کے طائر ہيں ميرے ہم زبانوں ميں

اثر يہ بھي ہے اک ميرے جنون فتنہ ساماں کامرا آ ئينہ دل ہے قضا کے راز دانوں ميں

رلاتا ہے ترا نظارہ اے ہندوستاں! مجھ کوکہ عبرت خيز ہے تيرا فسانہ سب فسانوں ميں

ديا رونا مجھے ايسا کہ سب کچھ دے ديا گويالکھا کلک ازل نے مجھ کو تيرے نوحہ خوانوں ميں

!نشان برگ گل تک بھي نہ چھوڑ اس باغ ميں گلچيںتري قسمت سے رزم آرائياں ہيں باغبانوں ميں

چھپاکر آستيں ميں بجلياں رکھي ہيں گردوں نےعنادل باغ کے غافل نہ بيٹھيں آشيانوں ميں

سن اے غافل صدا ميري، يہ ايسي چيز ہے جس کووظيفہ جان کر پڑھتے ہيں طائر بوستانوں ميں

وطن کي فکر کر ناداں مصيبت آنے والي ہےتري برباديوں کے مشورے ہيں آسمانوں ميں

ذرا ديکھ اس کو جو کچھ ہو رہا ہے، ہونے والا ہےدھرا کيا ہے بھلا عہد کہن کي داستانوں ميں

يہ خاموشي کہاں تک؟ لذت فرياد پيدا کرزميں پر تو ہو اور تيري صدا ہو آسمانوں ميں

!نہ سمجھو گے تو مٹ جائو گے اے ہندوستاں والوتمھاري داستاں تک بھي نہ ہو گي داستانوں ميں

يہي آئين قدرت ہے، يہي اسلوب فطرت ہےجو ہے راہ عمل ميں گام زن، محبوب فطرت ہے

ہويدا آج اپنے زخم پنہاں کر کے چھوڑوں گالہو رو رو کے محفل کو گلستاں کر کے چھوڑوں گا

جلانا ہے مجھے ہر شمع دل کو سوز پنہاں سےتري تاريک راتوں ميں چراغاں کر کے چھوڑں گا

مگر غنچوں کي صورت ہوں دل درد آشنا پيداچمن ميں مشت خاک اپني پريشاں کر کے چھوڑں گا

پرونا ايک ہي تسبيح ميں ان بکھرے دانوں کوجو مشکل ہے، تو اس مشکل کو آساں کر کے چھوڑوں گا

مجھے اے ہم نشيں رہنے دے شغل سينہ کاوي ميںکہ ميں داغ محبت کو نماياں کر کے چھوڑوں گا

دکھا دوں گا جہاں کو جو مر ي آنکھوں نے ديکھا ہےتجھے بھي صورت آئينہ حيراں کر کے چھوڑوں گا

جو ہے پردوں ميں پنہاں، چشم بينا ديکھ ليتي ہےزمانے کي طبيعت کا تقاضا ديکھ ليتي ہے

کيا رفعت کي لذت سے نہ دل کو آشنا تو نےگزاري عمر پستي ميں مثال نقش پا تو نے

رہا دل بستہء محفل، مگر اپني نگاہوں کوکيا بيرون محفل سے نہ حيرت آشنا تو نے

فدا کرتا رہا دل کو حسنيوں کي ادائوں پرمگر ديکھي نہ اس آئينے ميں اپني ادا تو نے

تعصب چھوڑ ناداں! دہر کے آئينہ خانے ميںيہ تصويريں ہيں تيري جن کو سمجھا ہے برا تو نے

سراپا نالہ بيداد سوز زندگي ہو جاسپند آسا گرہ ميں باندھ رکھي ہے صدا تو نے

صفائے دل کو کيا آرائش رنگ تعلق سےکف آئينہ پر باندھي ہے او ناداں حنا تو نے

زميں کيا آسماں بھي تيري کج بيني پہ روتا ہےغضب ہے سطر قرآں کو چليپا کر ديا تو نے

!زباں سے گر کيا توحيد کا دعوي تو کيا حاصلبنايا ہے بت پندار کو اپنا خدا تو نے

کنويں ميں تو نے يوسف کو جو ديکھا بھي تو کيا ديکھاارے غافل! جو مطلق تھا مقيد کر ديا تو نے

ہوس بالائے منبر ہے تجھے رنگيں بياني کينصيحت بھي تري صورت ہے اک افسانہ خواني کي

دکھا وہ حسن عالم سوز اپني چشم پرنم کوجو تڑپاتا ہے پروانے کو، رلواتا ہے شبنم کو

نرا نظارہ ہي اے بوالہوس مقصد نہيں اس کابنايا ہے کسي نے کچھ سمجھ کر چشم آدم کو

اگر ديکھا بھي اس نے سارے عالم کو تو کيا ديکھانظر آئي نہ کچھ اپني حقيقت جام سے جم کو

شجر ہے فرقہ آرائي، تعصب ہے ثمر اس کايہ وہ پھل ہے کہ جنت سے نکلواتا ہے آدم کو

نہ اٹھا جذبہء خورشيد سے اک بر گ گل تک بھييہ رفعت کي تمنا ہے کہ لے اڑتي ہے شبنم کو

پھرا کرتے نہيں مجروح الفت فکر درماں ميںيہ زخمي آپ کر ليتے ہيں پيدا اپنے مرہم کو

محبت کے شرر سے دل سراپا نور ہوتا ہےذرا سے بيج سے پيدا رياض طور ہوتا ہے

دوا ہر دکھ کي ہے مجروح تيغ آرزو رہناعلاج زخم ہے آزاد احسان رفو رہنا

شراب بے خودي سے تا فلک پرواز ہے ميريشکت رنگ سے سيکھا ہے ميں نے بن کے بو رہنا

تھمے کيا ديدئہ گرياں وطن کي نوحہ خواني ميںعبادت چشم شاعر کي ہے ہر دم با وضو رہنا

بنائيں کيا سمجھ کر شاخ گل پر آشياں اپناچمن ميں آہ! کيا رہنا جو ہو بے آبرو رہنا

جو تو سمجھے تو آزادي ہے پوشيدہ محبت ميںغلامي ہے اسير امتياز ماو تو رہنا

يہ استغنا ہے ، پاني ميں نگوں رکھتا ہے ساغر کوتجھے بھي چاہيے مثل حباب آبجو رہنا

نہ رہ اپنوں سے بے پروا ، اسي ميں خير ہے تيرياگر منظور ہے دنيا ميں او بيگانہ خو رہنا

شراب روح پرور ہے محبت نوع انساں کيسکھايا اس نے مجھ کو مست بے جام و سبو رہنا

محبت ہي سے پائي ہے شفا بيمار قوموں نےکيا ہے اپنے بخت خفتہ کو بيدار قوموں نے

بيابان محبت دشت غربت بھي ، وطن بھي ہےيہ ويرانہ قفس بھي، آشيانہ بھي ، چمن بھي ہے

محبت ہي وہ منزل ہے کہ منزل بھي ہے ، صحرا بھيجرس بھي، کارواں بھي، راہبر بھي، راہزن بھي ہے

مرض کہتے ہيں سب اس کو، يہ ہے ليکن مرض ايساچھپا جس ميں علاج گردش چرخ کہن بھي ہے

جلانا دل کا ہے گويا سراپا نور ہو جانايہ پروانہ جو سوزاں ہو تو شمع انجمن بھي ہے

وہي اک حسن ہے، ليکن نظر آتا ہے ہر شے ميںيہ شيريں بھي ہے گويا بيستوں بھي ، کوہکن بھي ہے

اجاڑا ہے تميز ملت و آئيں نے قوموں کومرے اہل وطن کے دل ميں کچھ فکر وطن بھي ہے؟

سکوت آموز طول داستان درد ہے ورنہزباں بھي ہے ہمارے منہ ميں اور تاب سخن بھي ہے

نميگرديد کوتہ رشتہء معني رہا کر دمحکايت بود بے پاياں، بخاموشي ادا کر دم

Sources and translator credits

Original text transcription: Bang-e-Dara — تصوير درد — Digital transcription file at commit 39d44fc0c2b8ca25769c4b36e6eac4d90cb42b35; the source dataset does not identify the underlying print edition.Verified against this pinned digital transcription file; not checked against a print edition.Source
Iqbal Demystified source list: Bang-e-Dara — Pinned digital dataset commit 39d44fc0c2b8ca25769c4b36e6eac4d90cb42b35; the underlying print edition is not identified by the dataset.Community dataset list; not reconciled against a print edition.Source
Reviewed exact Persian line-language classifications for the digital Urdu collectionsSource
Pinned digital source list 001 (Bang-e-Dara section headings) — Pinned repository commit 39d44fc0c2b8ca25769c4b36e6eac4d90cb42b35; digital transcription, not a selected print edition.Verified against this pinned digital transcription file; not checked against a print edition.Source
Bang-e-Dara English translation at allama-iqbal.com — Picture of Pain — Public digital poem page, retrieved 2026-10-05; pinned to allama-iqbal.com commit 82547635bb6b758c45082084b2f152fc453a8056.Translation by Dr M.A.K. Khalil; English Translation by: Dr M.A.K. KhalilSource
Bang-e-Dara: published Urdu field at allama-iqbal.com — Public poem data pinned to allama-iqbal.com repository commit 82547635bb6b758c45082084b2f152fc453a8056; source path allama-iqbal-com-content/bang-e-dara/1a/34.json.Translation by Not separately identified; The published Urdu field does not separately identify its translator. No English translator credit is reused.Source
English translations in the Bang-e-Dara digital anthology excerpt — Recovered Urdu poetry anthology PDF excerpt; publication title and year are not established by the preserved source packet (bang-english.pdf, 105 PDF pages).Translation by M.A.K. Khalil; Passages are individually credited in the recovered PDF as “Translated by M.A.K. Khalil”; exact source and credit PDF page locators are stored with each imported passage.Source

Back to Bang-e-Dara